फाल्गुन ९, डोटी ।
वन डढेलो नियन्त्रण तथा रोकथाम गर्न डिभिजन वन कार्यालय डोटी कार्ययोजना सहित सक्रिय बनेको छ ।
गत माघ २९ गते जिल्ला विपद व्यवस्थापन समिति डोटीको बैठकबाट जिल्ला स्तरीय वन डढेलो नियन्त्रण तथा रोकथाम कार्ययोजना २०८२ स्विकृत गरी अघि बढेको डोटीका डिभिजनल वन अधिकृत गोकुल रिजालले जानकारी दिए । 
वन डढेलो नियन्त्रण तथा रोकथाम राष्ट्रिय कार्ययोजना २०८२ लाई आधार मानी डिभिजन वन कार्यालय, डोटीका विभिन्न सुरक्षा निकाय र सम्बद्ध सरोकारवालाहरुको राय सुझाव समेतका आधारमा जिल्ला स्तरीय कार्ययोजना बनाईएको रिजालले बताए ।
कार्ययोजना अनुसार शनिबार डोटी जिल्लाका सञ्चारकर्मीहरुसँग वन डढेलो नियन्त्रण तथा रोकथाम सम्बन्धी पूर्व तयारी बैठक सम्पन्न भएको छ ।
बैठकमा डिभिजन वन कार्यालयका वन अधिकृत गोपीकृष्ण जोशीले जिल्ला स्तरीय वन डढेलो नियन्त्रण तथा रोकथाम कार्ययोजनाको उद्धेश्य, रणनीतिहरु, रोकथामका उपायहरु, लगाएत विषयमा प्रस्तुतीकरण गरेका थिए ।
कार्यक्रममा सहभागि पत्रकारहरुले जिल्लामा वनजङ्गलको अवस्था बारे व्यापक छलफल समेत गरेका थिए ।
वन डढेलो नियन्त्रण तथा रोकथामबारे के के छन् कार्यक्रम हेर्नुहोस् :
विपद व्यवस्थापन समितिले गरेका निर्णयहरु पनि हेर्नुहोस् :
सञ्चारकर्मीहरुको बैठकमा डोटीका डिभिजनल वन अधिकृत गोकुल रिजालले के भने ? यो सुन्नुहोस् :