फाल्गुन २९, डोटी ।
जिल्ला अस्पताल डोटीमा एकद्वार संकट व्यवस्थापन केन्द्र (ओसिएमसी) मा मामला व्यवस्थापक पदमा कार्यरत जानकी सिंहले शुक्रबार सिलगढी स्थित बाल सुधार गृह र सुरक्षित आवास गृहमा फलफूल वितरण गरेकी छन् ।
सिंहले आफ्नो जन्मदिनको अवसर पारेर बाल सुधार गृह र सुरक्षित आवास गृहमा रहेका ५० जनालाई फलफूल वितरण वितरण गरेकी हुन् ।
जन्मदिनको अवसरमा अन्य फजुल खर्च गरेर मनाउनुभन्दा बाल सुधार गृह र सुरक्षित आवास गृहमा फलफूल वितरण गरेर मनाउन पाउँदा उनले खुशी व्यक्त गरिन् ।
वि.सं. २०५२ साल फाल्गुन २९ गते हालको धनगढी उपमहानगरपालिका १५ कैलालीमा बुबा देवबहादुर सिंह र आमा मथुरा देवी सिंहको कोखबाट सिंहको जन्म भएको थियो ।
हाल धनगढी उपमहानगरपालिका ६ कैलाली निवासी सिंह जिल्ला अस्पताल डोटीमा डेढ वर्षभन्दा लामो समयदेखि सेवारत छन् ।
