भाद्र ९, डोटी
जिल्ला अस्पताल डोटीमा मंगलबार गरिएको स्वाव परीक्षणमा ४५ जनामा कोरोना पोजेटिभ देखिएको छ ।
अस्पतालका पिसिआर प्रयोगशाला इञ्चार्ज शौरभ श्रेष्ठद्वारा हस्ताक्षरित विज्ञप्ती अनुसार मंगलबार जम्मा ५९ वटा नमुनाहरुको परीक्षण गरिएकोमा ४५ जनाको नतिजा कोरोना पोजेटिभ आएको र बाँकी १४ जनाको नतिजा नेगेटिभ आएको हो । संक्रमितहरुमा २९ जना पुरुष र १६ जना महिला रहेका छन् ।
जस अनुसार संक्रमित हुनेहरुमा डोटीकै शिखर नगरपालिकाका २४ पुरुष र १५ महिला गरी ३९ जना, के.आई.सिंह गाउँपालिकाका ४ जना पुरुष र दिपायल सिलगढी नगरपालिकाका १÷१ जना महिला र पुरुष रहेको जनाईएको छ ।
