मंसिर १४, डोटी ।
नेकपा (एमाले) को ११ औं राष्ट्रिय महाधिवेशनको लागि डोटीबाट ४० वर्ष मुनिको युवामा सर्वसम्मत प्रतिनिधि चयन भएका छन् ।
एमाले डोटीले आइतबार सम्पन्न गरेको प्रतिनिधि छनौटमा ३८ वर्षे युवा सर्वसम्मत प्रतिनिधि चयन भएका हुन् ।
एमाले डोटी जिल्ला कमिटीका पूर्व सचिवालय सदस्य रहेका नेता बम नवौं जिल्ला अधिवेशनमा उपसचिव पदमा पराजित भए पनि युवाहरूमाझ भने लोकप्रिय छन् ।
उनि एमालेको १० औं राष्ट्रिय महाधिवेशनमा पनि प्रतिनिधि रहेका थिए ।
अनेरास्ववियुको विद्यार्थी राजनीतिबाट उदाएका युवा नेता बम जिल्ला युवा समिति डोटीका पूर्व अध्यक्ष समेत हुन् ।
मंसिर १० गते राष्ट्रिय युवा संघले कैलालीको धनगढीमा आयोजना गरेको कार्यक्रममा एमाले पोलिट ब्यूरो सदस्य महेश बस्नेत लगाएतका नेता आउँदा जेनजीको नाममा तथानाम नाराबाजी सहित विरोध जनाएपछि जेनजीहरुलाई तितरबितर पार्न बमले खेलेको भुमिकाले उनी राजनीतिक वृत्तमा पछिल्लो केही दिनदेखि चर्चामा पनि छन् ।
