मंसिर १२, डोटी ।
डोटीमा एक युवा मंगलबार मृत अवस्थामा फेला परेका छन् ।
दिपायल सिलगढी नगरपालिका वडा नम्बर ५ पुन्ना गाउँका युवक
३० वर्षीय समीर भट्ट सोही गाउँ नजिकै मुख्य सडकमा मृत अवस्थामा फेला परेको प्रहरीले जनाएको छ ।
भट्टको मृत्यु कसरी भएको हो भन्ने एकिन हुन सकेको छैन ।
घटनाको जानकारी पाएपछि प्रहरी घटना स्थलमा रहेको र घटनाबारे अनुसन्धान भइरहेको प्रहरीले जनाएको छ ।
मृतका आफन्तले हत्या भएको आशङ्का गरेका छन् भने शव उठाइएको छैन ।
स्थानीयले घटनाको सत्यतथ्य खोज अनुसन्धानको माग गर्दै यातायात बन्द गरेपछि सवारी आवागमन पूर्ण प्रभावित भएको छ ।
घटनाको अनुसन्धान भैरहेको प्रहरीले जनाएको छ ।