पुस २५, डोटी ।
डोटीको जोरायल गाउँपालिका स्तरीय पाँचौ राष्ट्रपति रनिङ् शिल्ड प्रतियोगिता २०८० को उपाधी रामपुर नमुना माध्यमिक विद्यालय बुडरले हात पारेको छ ।
जोरायल–४ मा अवस्थित घण्टेश्वर माध्यमिक विद्यालयको खेलमैदानमा पुस २० गतेदेखि २३ गतेसम्म सञ्चालित प्रतियोगितामा १० स्वर्ण, ५ रजत र ५ काश्य पदक सहित कूल २० वटा पदक हात पार्दै विजेता बनेको हो ।
त्यस्तै घण्टेश्वर माध्यमिक विद्यालय कुँडिकोटले ७ स्वर्ण, ११ रजत र ८ काश्य पदक सहित कूल २६ वटा पदक हात पार्दै द्वितिय भएको छ भने महासरस्वती माध्यमिक विद्यालय देउथला ३ स्वर्ण, १ रजत र २ काश्य सहित कूल ६ वटा पदक हात पार्दै तृतिय भएको छ ।
प्रतियोगितामा जोरायल गाउँपालिकाभित्रका ११ वटा माध्यमिक विद्यालयहरुको सहभागिता रहेको थियो ।
घण्टेश्वर माध्यमिक विद्यालयका व्यवस्थापन समिति अध्यक्ष दिव सिं शाहुको अध्यक्षता एवं जोरायल गाउँपालिकाका अध्यक्ष दुर्गादत्त ओझाको प्रमूख आतिथ्यतामा सोमबार नै प्रतियोगिताको समापन तथा विजेता र उप विजेताहरुलाई पुरुस्कार वितरण गरिएको जोरायल गाउँपालिकाका खेलकुद प्रशिक्षक पवन कुमार शाहुले जानकारी दिए ।
उक्त कार्यक्रममा जोरायल गाउँपालिकाका उपाध्यक्ष जमुना बोहरा, प्रमूख प्रशासकीय अधिकृत गणेशदत्त भट्ट, विभिन्न वडाका वडा अध्यक्ष, विभिन्न विद्यालयका शिक्षक, अभिभावक र तीन सय बढी विद्यार्थीको सहभागिता रहेको आयोजकले जनाएको छ ।
कुन विद्यालयले कति पदक जिते ? हेर्नुहोस् – 
