फाल्गुन ६, डोटी ।
यहि फाल्गुन २१ गते हुन गइरहेको प्रतिनिधी सभा निर्वाचनका लागि नेकपा एमाले डोटीले चुनावी प्रचार-प्रसारलाई घनिभूत पार्दै तिव्रता दिएको छ ।
निर्वाचन आयोगले चुनावी प्रचारप्रसारका लागि दिएको समयसिमा फाल्गुन ४ देखि १८ गतेसम्मको कार्यक्रम जिल्ला प्रशासनबाट स्विकृति लिएर गाउँ-गाउँमा केन्द्रित भएको नेकपा एमाले डोटीका उपसचिव डम्बर सिंह डौडीले जानकारी दिए ।
कार्यतालिका अनुसार फाल्गुन ६ गते शिखर नगरपालिका वडा नं.९ र १० मा, ७ गते बोगटान फुड्सिल गाउँपालिकाको वडा नं. ४ र ५ मा, ८ गते के.आई.सिंह गाउँपालिकाको वडा नं. १ र २ मा, ९ गते शिखर नगरपालिकाको वडा नं. ८ र ११ मा, १० गते बोगटान फुड्सिल गाउँपालिकाको वडा नं. २ र ३ मा उम्मेदवार दीपक धामी सहित चुनावी प्रचार गर्ने कार्यक्रम छ ।
त्यस्तै फाल्गुन ११ गते पूर्वीचौकीको वडा नं. १, ४ र ६ मा, १२ गते पूर्विचौकीकै वडा नं. ५ र ७ मा, १३ गते पूर्विचौकीकै २ र ३ मा कार्यक्रम तय भएको छ ।
त्यस्तै फाल्गुन १४ गते सायल गाउँपालिकाको वडा नं. २ र ३ मा १५ गते वडा नं.४, ५ र ६ मा, १६ गते सायलको वडा नं. १ र आदर्शको वडा नं. ७ मा, १७ गते आदर्शको वडा नं. १, २ र ६ मा र १८ गते आदर्शको वडा नं. ३,४ र ५ मा उम्मेदवार सहित चुनावी भेटघाट कार्यक्रम तय गरिएको एमालेले जनाएको छ ।
यो कार्यसूचि सँगै पार्टीका विभिन्न तहका नेता, कार्यकर्ताहरुको सक्रियतामा विभिन्न टोलीले जिल्लाका हरेक गाउँ-गाउँ, टोल-टोलमा चुनावी अभियान सञ्चालन गरिरहेको नेकपा एमाले डोटीका अध्यक्ष मञ्जु मलासीले जानकारी दिइन् ।
छोटो समय अवधी र भौगोलिक कठिनाईका कारण हरेक नेता कार्यकर्ताहरु आ–आफ्नो भूगोलमा परिचालन गरिएको उनले बताईन् ।
एमाले उम्मेदवार दीपक बहादुर धामी राष्ट्रिय पहिचान बनाएको एक क्षमतावान, बेदागी र युवा पिढिले रुचाएका उम्मेदवार भएको साथै जिल्लामा एमालेको मजबुद संगठन भएकाले पनि जित सुनिश्चित भएको एमाले डोटीको ठहर छ ।